جفاف العين الاعراض و الأسباب و العلاج

جفاف العين يعني عينك لا تمتلك الكمية الكافية من الدموع ودا عشان يحميها من الأتربة  ، الغدد الدمعية هي المسؤلة عن إفراز الدموع ،و بالتالي علاج جفاف العين مهمته انه يحافظ على الكمية العادية من الدموع اللي محتاجاها عينك .
جفاف العيون ليه أعراض كتير زي إحمرار العين ، أو إنك تحس بإن عينك مرهقه  أو إنك تحس بألم فيها (إحساس ان فيها شوكة زي ما بنقول) و حاجات تانية كتير هتعرفها من الإنفوجرافيك دا

لو بتشوف الإنفوجرافيك دا من الموبيل فأحسن طريقة إنك تعمل Rotate

جفاف العين الاعراض و الأسباب و علاج

أسباب جفاف العين و طرق الوقاية منه و طرق علاجه

جفاف العين هو واحد من مشكلات و أمراض كتيرة بتهدد العين، و دا بسبب إن أضراره كتيرة و مختلفة  وبيصيب الأشخاص علي إختلاف الأصعدة العُمرية لكن بتزيد مع الاشخاص اللي بتعاني من سوء تغذية بسبب نقص فيتامين A  و ممكن يصيب حتي اللي بيتمتع بصحة ممتازة و بيعاني بسببه الشخص بسبب الكتير من الأعراض المزعجة زي وخز أو حرق في العين و ألم و إحمرار في العين و دا بيخلي الشخص مش حيحس بالراحة طول ما هو مصاب بالمرض دا ومن الطريف ان جفاف العين بيصيب الستات اكتر من الرجالة برغم ان من اسباب حدوثه ان العين بتنتج دموع بكمية قليلة !! او الدموع بتتبخر بسرعة جداا. و زي ما قولنا جفاف العين هو أكتر الأمراض شيوعا و إنتشارا بين الناس حيث بينتشر بنسبة 15% بين السكان و الأغلب بيبقي في كبار السن نظرا للتطورات و التغييرات اللي بتحصل للجسم. و بتزيد نسبة إنتشاره بين الناس اللي بتحط عدسات لاصقة بنسبة 50%.

أسباب جفاف العين

في أسباب و عوامل كتيرة بتضر العين و بتسبب جفاف العين منها الآتي

  • أمراض تسبب جفاف العين

    الإصابة بأمراض زي الغدة الدرقية أو إلتهاب المفاصل الروماتيد أو السكري أو ااذئبة أو متلازمة شوغرن من الأمراض اللي بتسبب جفاف العين.

  • مشاكل الجفن

    الأمراض اللي بتصيب العيون زي إلتهاب الجفن أو إنطواء الجفن الداخلي أو إنطواء الجفن الخارجي

  • المناخ الجاف

    الأماكن اللي بتمتاز بالمناخ الجاف هي أكتر الأماكن اللي بيزيد فيها خطر الإصابة بجفاف العين

  • التقدم في العمر

    مع التقدم في العُمر بيبقي الشخص أكتر عُرضة للإصابة بأمراض العيون

  • تناول الأدوية

    في أنواع كتير من الأدوية بتسبب جفاف العين زي الأدوية المُدرٌة للبول أو حاصلات مستقبلات البيتا أو مضادات الحساسية أو الأقراص المنومة أو مضادات الإحتقان و مضادات الإكتئاب و الأدوية اللي بتُوصف علاج القلق

  • تضرر مكونات الدموع

    الدموع من العمليات الحيوية اللي لازم تحصل بشكل يومي عشان تحمي العين من الأتربة و تساعد في ترطيبها. و الدموع بتتكون من 3 مكونات رئيسية و هي الماء و الدهون و طبقة البروتينات المرتبطة بوحدات السكر. و طبقة الدهون وظيفتها إنها تمنع الدموع من التبخر و تقلل الإحتكاك مع الجفون اللي بيحصل خلال طرف العينين و الإلتهاب المزمن في الجفون ممكن يؤدي تغيير في تكوين الدهون في الدموع مما يؤدي الي زيادة تبخر الدموع بسبب عدم ثبات طبقة الدهون. و الماء اللي في دموع بيتم إنتاجه من غدد الدموع

  • إنخفاض حساسية القرنية

    القرنية هي النسيج الأمامي للعين و عن طريقها بتدخل أشعة الضوء  للعين. و يوجد في القرنية العديد من الألياف العصبية الحسية و الإشارات الحسية العصبية  بتنتقل للعقل عن طريق العصب الحسي للقرنية و بينقلها لجذع الدماغ و اللي بتخرج منه الأعصاب الواصلة الي غدد الدموع و الجفون و عشان كدا الأحساس السليم للقرنية مهم جدا عشان عملية إنتاج الدموع و إنخفاض حساسية القرنية بيؤدي الي إنخفاض حساسية الدموع

  • قلة طرف العينين

    تعرف إن لو عينك مش بتطرف كتير دا خط عليك … ؟ و دا عشان قلة طرف العينين بيتسبب في إن الدموع بتتبخر من عينك بشكل كبير جدا و السبب في دا بيرجع إلي إن سطح العين بيبقي مكشوف لفترة طويلة بين كل طرفة و الطرفة التانية و دا بالظبط اللي بيحصل لما تشتغل لفترة طويلة علي الكومبيوتر أو الموبايل أو خلال السواقة بيبقي الفرق بين كل طرفة و الطرفة التانية كبير

  • كبًر فتحة الجفون

    من الأسباب اللي بتؤدي لجفاف العين هو كبًر فتحة الجفون و هو إن فتحة الجفن بتبقي كبيرة جدا و دا مش بيدي فرصة للجفن يقفل بشكل سليم و في الأخر بيتسبب بتبخر الدموع من علي سطح العين و في أمراض و أسباب تانية ممكن نؤدي إلي عدم إغلاق الجفن بشكل سليم هو شلل العصب المسؤول عن إغلاق الجفون. و في سبب تاني و هو فرط نشاط الغدة الدرقية و دا بيتسبب في بروز العين و كبًر فتحة الجفون و اللي في الأخر حيؤدي إلي تبخر الدموع

  • الأجهزة الإليكترونية

    من أكتر الأسباب اللي بتسبب جفاف العين في الوقت الحالي هو الإستخدام المُفرط للأجهزة الإليكترونية

  • التغييرات الهرمونية

    جفاف العين بينتشر جدا بين البنات خصوصا بعد إنقطاع الدورة الشهرية و دا نتيجة للتغييرات الهرمونية اللي بتحصل في السن و زي ماقولنا خصوصا إن جفاف العين بيحصل بنسبة أكبر بين كبار السن و التغييرات الهرمونية بتبقي في هرمون الأستروجين و البروجيستيرون بعد إنقطاع الدورة الشهرية بتسبب في حالة من النغييرات في وظائف الغدد الدهنية في الأجفان اللي بيتسبب في جفاف العين

  • العدسات الاصقة

    إستخدام العدسات اللاصقة لفترة طويلة خطير جدا علي العين و دا عشان إته بيؤدي لإنخفاض مدي وصول الدموع الي القرنية و منع الأكسجين من الوصول الي القرنية و مع الأستخدام المُفرط للعدسات اللاصقة لفترات طويلة مع مرور الوقت بيسبب حساسية القرنية اللي بتزيد و تسرع من الإصابة بجفاف العين

  • التعرض لأشعة الشمس

    أشعة الشمس بتحتوي علي كميات كبيرة من الأشعة فوق البنفسجي و التعرض المباشر ليها بفترات طويلة بيؤدي إلي جفاف العين

  • بعد عملية الليزك (مؤقت)

    عملية الليزك من الأسباب اللي بتؤدي لجفاف العين و دا بيبقي مؤقت و مش خطير و بيزول جفاف العين في فترة من 3 – 6 شهور.بسبب حدوث نقص في إنتاج الدموع

أعراض جفاف العين

  • جفاف العين مش بيعتبر كمرض في حد ذاته لكن بيتم إعتباره كعارض مرضي و الأعراض بتاعته  اللي مش شرط تيجي كلها مع بعض لكن ممكن الإصابة بمعظمها أو بعضها و بتبقي كالتالي:
  • ألم و إحمرار العين
  • دعك العين بشكل مستمر
  • الإحساس بالحرقان في العين
  • تشكل مخاط حول العين
  • التعب و الإرهاق في القراءة و إستخدام الأجهزة الأليكترونية
  • ضبابية الرؤية
  • الإحساس بتقل في الجفون
  • الإحساس بوجود حبيبيات رملية في العين
  • الحساسية ناحية الضوء
  • زغللة العين و بالذات بليل
  • إزدواجية الرؤية

مضاعفات جفاف العين

الإصابة بجفاف العين ممكن يؤدي لبعض المضاعفات زي

صعوبة الحياة اليومية

 بيبقي الشخص غير قادر علي القيام بالأعمال اليومية العادية ,ودا نتيجة الأعراض اللي قولنا عليها و هي انه مش بيكون شايف كويس و بيحس بأكلان في عينه و كل شوية يفركها و بتدمع كتير و دا ساعات بيخليها تلتهب أكتر . 

تعرض سطح العين للضرر

في حالة إنك معالجتش جفاف العين و سبته إنت بتبقي مُعرض للإصابة لإلتهاب سطح العين و التعرض لتأكل سطح القرنية و الإصابة بقرحة في القرنية مما قد يؤدي في الآخر للإصابة بمشاكل في الرؤية

عدوي العين

بيزيد خطر الإصابة باي نوع من أنواع العدوي للعين بسبب عدم معالجة جفاف العين و دا بسبب إن لا يتم إنتاج كميات كافية من الدموع حيث إن وظيفة الدموع هي حماية سطح العين من العدوي و ترطيب العين و غسيلها من الأتربة.

نصائح مهمة لو بتعاني من جفاف العين

في خطوات بسيطة لو بتعاني من جفاف العين تقلل من أعراضه و هي:

  • إفتكر دايما إنك ترمش بالذات وقت المذاكرة أو القراءة او إستخدام الأجهزة الإليكترونية
  • إستخدام نضارة الشمس.
  • شرب المياه بحولي 8 – 10 مرات في اليوم
  • متقضيش وقت طويل قدام شاشة التليفزيون أو شاشة اللاب توب.
  • عدم إستخدام العدسات اللاصقة.
  • تناول المكملات الغذذائية اللي بتحتوي علي أحماض دهنية زي الأوميجا 3

علاج جفاف العين

  • الدموع الصناعية

    هي عبارة عن قطرات و بتبقي متوفرة في الصيدليات لكن لاينصح بإستخدامها إلا بإستشارة الطبيب و ينصح بإستخدامها بإستمرار في حالة جفاف العن المزمن

  • النبض الحراري

    هو جهاز بيساهم في إنه يخلي العيون رطبة و يمنع تبخر الدموع

  • زيادة إنتاج مُسيل الدموع

    قد يلجأ دكتور العيون إنه يستخدم قطرات بتزيد من إنتاج الدموع لترطيب العين و منع جفافها.

نظام غذائي يحميك من جفاف العين

  • أشرب مياه كتير من 8 – 10 مرات و السوائل الخالية من الكافيين.
  • متنساش تناول الأطعمة الغنية بالأوميجا 3 زي السلمون و التونة
  • تناول الأطعمة الغنية بفيتامين “سي”
  • تناول الشمام و الجزر و البطاطا لإحتوائهم علي فيتامين أ
  • تناول الأطعمة الغنية بمضادات الأكسدة زي التوت و الكرز و الفراولة
  • تناول الخضراوات زي : السبانخ و الكرنب و الملوخية و البروكلي

أعراض جفاف العين اوقات بتتشابه مع أعراض حساسية العين

الفرق بين حساسية العين و جفاف العين

حساسية العين

هو مرض عيون شائع جدا و بيحصل بسبب خلل مناعي قد ينتج بعد عدوي فيروسية أو بكتيرية  و هو مش مرض خطير و لكن عند إهمال علاج العين ممكن يتسبب بتلف كامل للعين.وبينتشر أكتر بين الناس اللي بتستخدم العدسات اللاصقة بسبب الجراثيم المتراكمة علي العدسات. و هو بيحصل نتيجة تعرض العين لمسببات الحساسية زي الغبار و الأتربة أو دخول جسم غريب للعين.

أعراض حساسية العين

معلومة مش شرط الإصابة بكل الأعراض لكن ممكن الإصابة ببعضها أو معظمها و الأعراض هي:

  • حدوث إحمرار في العين و خصوصا في بياض العين.
  • عدم وضوح في الرؤية
  • رؤية مشوشة
  • حدوث حرقة في العين
  • إنتفاخ في جفن العين
  • الحساسية من الضوء
  • في بعض الأوقات صداع في الراس.
  • الأحساس بالرغبة في الحكة (أهم أعراض الحساسية)

إزاي نفرق بين جفاف العين و الحساسية

التشابه الكبير اللي في أعراض الحالتين بيخلي التفرقة مابين الحساسية و جفاف العين صعب.وعشان كده لازم التشخيص يبقي دقيق جدا

  • حساسية العين
  • الحساسية بتسبب إحساس بالحاجة لدعك العين و أوقات العطس كمان
  • في حالة الحساسية بتحس بالراحة في إنك تبعد عن البيئة الخارجية و تقفل الشبابيك و كمان بتحس بالراحة لما بتشغل التكييف
  • جفاف العين
  • من أعراضه إحساس بالحاجة لدعك العين و إحساس بالحرقان فيها.
  • في حالة جفاف العين بيشعر المريض به بالراحة لما يغمض عينيه و بالإبتعاد عن الأماكن الجافة و التكييفات. و بتزيد الأعراض بالنهار

نصائح مهمة جدا لو بتعاني من الحساسية

  • لازم علي الشخص المريض بالحساسية مايدعكش عينه تماما و دا ممكن يزيد من الحساسية.
  •  تجنب وضع العدسات اللاصقة للعين في حالة الإصابة بالحساسية.
  • علي البنات إنها متحطش مكياج للعيون نهائيا لإن دا بيزود الحساسية و بيأخر عملية التعافي من المرض.
  • لازم تغسل إيدك و عينك بإستمرار و إنتظام عشان دا بيسهل التخلص من البكتيريا و التخلص من مسببات الحساسية.
  • كمادات من المياه الساقعة علي العينين لتقليل الإحمرار في العين و تخفيف الإحساس بالحرقان.

علاج حساسية العين

  • العمل علي غسل اليدين بشكل جيد بالماء و الصابون و متلمسش عينك الا لو متاكد ان ايدك نظيفة لإن دا بيزود الحساسية.
  • وضع قطرات للعيون و دا بيبقي تحت إشراف الدكتور عشان يقلل من الإحساس بحرقان العين و الألم اللي بيصاحبهم و دا لإنها بتحتوي علي مادة مضادة للهيستامين و بتقلل إفرازه و الهيستامين هو المسئول عن الشعور بالحكة و الحاجة لدعك العين.
  • تجنب التعرض للغبار و أشعة الشمس لإن دا بيزود الحساسية

لو لسة ملعبتش معملتش إختبار جفاف العين تقدر تلعبه دلوقتي و لو عملته قبل كدا و بتحس بأي عرض من الأعراض اللي فوق تقدر تحجز معاد مع الدكتور بمركزنا الطبي IFLC

لو بتعاني من أحد الأعراض اللي فوق بننصحك تزور طبيب متخصص للإطمئنان و العلاج قبل حدوث تطورات
تقدر تحجز معاد في مركزنا الطبي اونلاين من هنا 👇

عايز أحجز كشف العيون