مشكلات العين الشائعه – الأعراض و الاسباب و العلاج

هنا هتلاقي أكتر 6 مشاكل بتُصيب العين و هما :
1. إحمرار العين
2. جفاف العين
3. الإستجماتيزم
4.العين الكسولة
5. إعتام عدسة العين
6. الزَرَق
كل واحد ليه أسباب و أعراض مختلفة عن بعض و في الأغلب كلها حاجات متصلة بعادتنا اليومية زي إن كلنا بنستخدم الأجهزة الإلكترونية (اللاب و الموبيل) كتير مثلا و مش بنام كويس وغيره كتير 😀  بس في الإنفوجرافيك دا هتلاقي كمان إزاي تقدر تتجنب كل الـ 6 مشاكل دول

لو بتشوف الـ Info-graphic دا من الموبيل فأحسن طريقة إنك تعمل Rotate

6 مشكلات شائعه للعيون - الأعراض و الاسباب و العلاج

6 مشكلات شائعة للعيون

  1. إحمرار العين
     – الأعراض:

    إحمرار وتورم الملتحمة : الملتحمة هي الغشاء اللي بيبطن جفن العين من الداخل و لما بيحصل تهيج الملتحمة بتبقي حمراء جدا ومنتفخة

           -الأسباب:

    • الحساسية
    • المواد الكيميائية
    • الدخان
    • التدخين
    • جفاف العين
    • عدوى فيروسية أو بكتيرية (شديدة الإنتشار)

          -الوقاية و العلاج:

    تحاول بقدر الامكان انك ماتتعرضش للاسباب اللي فوق كا “وقايه” ولو حسيت بالاعراض اتوجه للدكتور علشان تاخد علاج ملائم لحالتك

  2. جفاف العين

    -الأعراض:

    • إحساس بلسعات أو حرقة أو خشونة في العينين
    • مخاط لزج في العينين أو حوليها
    • حساسية للضوء
    • إحمرار العين
    • الإحساس بشئ في العينين
    • صعوبة ارتداء عدسات لاصقة
    • صعوبة القيادة ليلاً
    • العيون ديماً مدمعه،واللي بتكون نتيجة استجابة الجسم لتهيج جفاف العينين
    • تشوش الرؤية وإرهاق في العين

    -الأسباب:

    • نقص في الدموع
    • تلف الغدة الدمعية من الالتهاب أو الإشعاع
    • العوامل البيئية و الأدوية
    • مشاكل الجفن

    – الوقاية و العلاج:

    • يوصف الدكتور قطرة للعين ودي بتكون  بمثابة دموع صناعية و اللي بتحافظ علي العين في حالة رطوبة كويسة
    • المحاولة للبعد عن الدخان و التدخين
    • يكون مستوى شاشة الكمبيوتر أسفل العين
    • لبس نضارة في الاجواء اللي فيها اتربة او عواصف

     

  3. الإستجماتزم (اللانقطية)الأعراض:
    • الرؤية المشوشة أو المشوهة
    • إجهاد أو شعور بعدم الراحة بالعين
    • الصداع
    • صعوبة في الرؤية ليلاً

    السبب:

    أن سطح القرنية أو عدسة العين غير منتظم .. ودي ممكن تكون حاجه خلقية أو بعد التهابات او اصابات لقرنية العين .. وفي بعض الاحيان بتكون نتيجه لضعف نسيج القرنية زى حالات القرنية المخروطية

    الوقاية و العلاج:

    لتصحيح المشكلة دي بتكون عن طريق …

    • ارتداء النظارات الطبية
    • ارتداء العدسات اللاصقة
    • تقنيات تصحيح الإبصار ( الليزك والفيمتو ليزك والفيمتو سمايل)

  4. العين الكسولة (الغمش)الأعراض:
    • عدم وضوح الرؤيه حتى مع ارتداء النظارات أو العدسات المناسبه
    • العين بتحيد للداخل أو للخارج “حول العين”
    • العينان مش بيشتغلو مع بعض بطريقة متناسقة
    • سوء إدراك العمق
    • إمالة الرأس
    • نتائج غير طبيعية لاختبارات فحص الرؤية

    الأسباب:

    وجود اختلال في العضلات التي تضع العين في موضعها. الاختلاف في حدة الرؤية بين العينين (تفاوت الانكسار في العينين) في الغالب بسبب بعد النظر و في بعض الأحيان بسبب قصر النظر أو عيب في سطح العين (الاستجماتيزم). تُستخدم النظارات أو العدسات اللاصقة في العادة لتصحيح مشاكل الانكسار المذكورة

    الوقاية و العلاج:

    • العلاح المبكر  في اسرع وقت في فترة الطفولة و بيحصل نتائج في العلاج افضل في مرحلة قبل ٧ سنين و بتحصل نتائج متوسطة من اول ٧ : ١٧ سنة
    • لبس النظارات او العدسات اللاصقة بتصحح مشاكل  قصر النظر أو طول النظر أو اللابؤرية اللي بتظهر في العين الكسولة.
    • تغطية العين السليمة ممكن طفلك يلبس رقعة عين على العين الأقوى لتحفيز العين الكسولة. وبتتلبس الرقعة لمدة معينة في اليوم حسب توجيهات الطبيب
    • مرشح بانغريتر :  و ده حاجه بتتحط على عدسة النظارة الطبية للعين الأقوى. بيشوش المرشح على العين الأقوى ويعمل عمل رقعة العين ويحفز العين الأضعف.
    • قطرات العين. يمكن لقطرة العين مرتين أسبوعيًا لدواء يسمى أتروبين (إيزوبتو أتروبين) تشويش الرؤية مؤقتًا في العين الأقوى. هتشجع  الطفل على استخدام العين الأضعف،و تعتبر بديل عن لبس الرقعة
    • الجراحة.و ده لوا كان طفلك يعاني من حول  أو اضطراب في حركة العين، فممكن أن يوصي الطبيب بتدخل جراحي لعضلات العين.و ممكن يحتاج طفلك جراحة في حالة انه بيعاني من تدلي الجفون أو إعتام عدسة العين
  5.  إعتام عدسة العين (المياه البيضاء)
    الأعراض:

    الرؤية مشوشة:  بتزيد الصعوبة مع الرؤية الليلية والحساسية للضوء والوهج أكثر
    دراسة : أكتر من 50 ٪ من اللي  فوق سن الستين عندهم إعتام عدسة العين بدرجات متفاوتة

    الاسباب:

    • شيخوخة
    • داء السكري
    • أدوية الستيرويد على المدى الطويل
    • التعرض لأشعة الشمس
    • التدخين

    الوقاية و العلاج:

    أفضل حل هو الجراحة لإزالة المياه البيضاء وعدم التعرض لاشعة الشمس المباشرة وعدم التدخين .. وعدم استخدام قطرات الكورتيزون لفترات طويلة إلا تحت إشراف طبي

  6. الزرق ( المياه الزرقاء)الأعراض:

    علي حسب نوعها بيكون أعراضها فالو هي :

    المياه الزرقاء الحاده ( مغلقة الزاويه)

    • صداع شديد
    • ألم شديد جدا في العين (كأن عينك هاتنفجر)
    • غثيان و قئ
    • هالات حول الضوء
    • عدم و ضوح الرؤية
    • إحمرار العين

    المياه الزرقاء مفتوحة الزاوية :

    الفقدان التدريجي للرؤية ، بيصل في المراحل المتأخرة أن الشخص بيشوف بس اللي قدام عينه كأنه بيبص من انبوبه ( رؤية أنبوبية)

    السبب:
    زيادة الضغط داخل العين بسبب تراكم السوائل

    الوقاية و العلاج:

    • مداومة الكشف على العين عشان لو تم إكتشافها في وقت مبكر بما فيه الكفاية بيقدر الدكتور بيكتبلك قطرات أو دواء  للمساعدة في الحفاظ على الرؤية وتقليل ضغط العين …
    • في بعض الحالات المتقدمة بيتم خضوع الشخص لإجراء عملية خاصة لتقليل ضغط العين ودي اللي بيحددها الطبيب حسب حالة الشخص …
    • التأكد من تاريخ صحة العين في العيلة لأن مرض المياة الزرقاء بيميل انه يكون منتشر بين أفراد العائلة الواحدة …


لو بتعاني من أحد المشكلات اللي فوق بننصحك تزور الدكتور للإطمئنان و إتباع الإرشادات المناسبة لحالتك

تقدر تحجز في مركزنا الطبي أونلاين من هنا 👇

عايز أحجز معاد مع الدكتور

إستخدم الانفوجرافك دا على موقعك