غرائب عن العين

العين هي عضو من أهم أعضاء الإنسان. و ده نظريا لإنها داخلة في كل حركة إنت بتعملها… لكن عُمرك فكرت تعرف ايه هي الحاجات اللي تعتبر غرائب عن عينك و تعرف مميزاتها أكتر؟؟ …وتعتبر انها من أكتر الأنظمة تعقيدا علشان :

  1. العين الطبيعية بتفرق بين 10 مليون لون مختلف.

  2. الرؤية في المحيط اللي إنت فيه بتبقي بالأبيض والأسود لكن العين بتملي التفاصيل اللي حواليك بسرعة و تخليها تتلون.

  3. البنات عندهم طفرة وراثية في جينات البصر بتخليهم يشوفوا ملايين الألوان زيادة عن الرجالة 😀

  4. الخلايا في عين الإنسان بتاخد شكلين شكل مخروطي و الشكل التاني بيبقي علي شكل عصا والخلايا اللي على شكل مخروطي بتمكن الإنسان من رؤية الألوان.

  5. الإنسان بيقضي 10% من وقته نايم وده بسبب إن عينه بتغمض بسبب انه بيرمش طول الوقت (لون عين زرقاء) و الرَمش هو عملية لا إرادية بتظهر في صورة إغلاق العين بسرعة وهي بتتم عن طريق تثبيط عضلة العين الرافعة للجفن العلوية مع تنشيط عمل العضلة الدائرية حول العين، و فائدة الرَمش و أهميته للعين إنه بيساعد على إنتشار الدموع في العين و زيادتها و إزالة المواد المهيجة من علي سطح القرنية والشبكية.العين بترمش 12 مرة بالدقيقة و فيه نوعين من الرَمش :
    *الرَمش التلقائي : و دا اللي بيحصل لوحده من غير الحاجة لمؤثر خارجي
    * الرَمش العكسي : و دا بيحصل إستجابة لمؤثر خارجي زي لمس القرنية أو إن حاجة تظهر قدام العين فجأة.

  6. العضلات المتحكمة في العين هي أكتر عضلات الجسم نشاط و بتشكل العين الواحدة بوصة و بيوصل وزنها لربع أُونصة، العين بتحتوي علي 7 عضلات مخططة بشكل هيكلي 4 مستقيمة و إتنين ملتوين و واحدة بترفع الجفن العلوي (وعضلة الجفن العلوي هي العضلة المتحكمة في حركة الرمش اللي بتحصل للعين) ، والعضلات المسئولة عن حركة العين هي العضلات المستقيمة الوحشية و مسئولة عن عضلة العين للخارج يعني هي المتحكمة في إنك تبص بطرف عينك و العضلة المستقيمة الأنسية هي المسئولة عن حركة العين للداخل يعني بتساعد إنك تبص ناحية مناخيرك، و من المشاكل اللي بتوجه عضلات العين هي ضعف عضلة العين او بمسمي اخر و هو حول العين.

و من هنا نقدر نتكلم في إزاي العين بتشوف و بتميز الألوان:

الصورة دي بتبين مدى الألوان اللي بتقدر عنينا تشوفها لو عايز تشوف الصورة من المصدر بتاعها Wikipedia إضغط عليها

رؤية الألوان هي عملية بتتميز و بتختلف علي حسب قدرة الإنسان علي تمييز الأجسام المختلفة بالإعتماد علي الطول الموجي أو التردد العكسي الصادر من الجسم. و بيتم عن طريق إن الجسم لما بيقع عليه الضوء بيمتصه و بيعكس باقي الضوء من خلال القرنية و  القرنية وهي الجزء الأمامي للعين وبعدين بتوجهه العين من القرنية للحدقة عشان تحدد كمية الضوء اللي بتوصل للعين وبعدين عدسة العين بتقوم بدورها و تركز الضوء داخل الشبكية بإتجاه طبقة الخلايا العصبية اللي بتبقي موجودة في قاع العين وبعدين بيبدأ الجهاز العصبي يحلل الترددات و الإنعكاسات بالنسبة لمخروطية العينو كل دا بيحصل خلال جزء من الثانية. اللون هو شيئ موجود في الدماغ و مش صفة أو خاصية مرتبطة بكل جسم بمعني إحنا بنشوف التفاحة لونها أحمر مش عشان هي لونها أحمر و بعدين بتقوم  التفاحه بإمتصاص الضوء الساقط عليها ماعدا مجموعه من الاطوال الموجيه اللي بتنعكس وتوصل للعين والمخ بيفسر الاطوال دي علي انها لون احمر و بالتالي بتشوف التفاحة لونها أحمر. والألوان بتساعد العين علي التذكر و بتنشط المشاعر و الأحاسيس. و بيتم تحت تأثير المخروطية

رسم توضيحي لتجربة نيوتن ووصوله للضوء لو عايز تشوف الصورة من المصدر بتاعها Indiana.edu إضغط عليها

تأثير المخاريط في إستقبال الضوء:

جوه شبكية العين في نوعين مختلفين من الخلايا مهمتهم الرئيسية إستقبال الضوء و الإستجابة ليه. و هي المخاريط و النبابيت.
و دي تعريفها إنها خلايا متحسسة للضوء و تعرف بإسم المستقبلة للصورة. لكن النبابيت بيبدأ إستخدامها أو شغلها في الإضاءة القليلة إنما المخاريط بيبدأ إستخدامها و شغلها في الأماكن اللي فيها إضاءة قوية. كل إنسان عنده 4.5 مليون من المخاريط و 110 مليون النبابيت.

المخاريط بتحتوي علي مادة لزجة أو جزيئات تلتقط الضوء. و بيوجد 3 أنواع من المادة دي عند كل إنسان و هي أخضر و أحمر و أزرق و كل نوع من الأنواع دي بيستجيب بطريقة مختلفة لموجات الضوء، 
فمثلا اللون الأصفر للليمونة في النهار دا بيبقي بسبب إنعكاس الضوء علي اللمونة اللي بيستجيب ليها المخاريط الزرقاء و الحمراء فبيتبعت إشارات من العصب البصري للقشرة البصرية في الدماغ و توزعها علي كمية المخاريط بالنسبة للكمية اللي تقدر تتحملها و عشان كدا بنقدر نشوف اللون الأصفر للمونة علي العكس بليل بتبتدي النبابيت تستشعر الضوء اللي منعكس علي اللمونة و بيبتدي يظهر تدرج اللون.

صورة توضيحية لإختبارات طول و قصر النظر

إضطراب القدرة علي رؤية الألوان:

 

برغم إمتلاك العين حوالي 4.5 مليون مخروط لكن إضطراب القدرة علي رؤية الألوان بيحصل بسبب إن واحد من المخاريط مش موجود او موجود بس مش سليم و ممكن دا يكون بسبب يا إما المخاريط غير موجودة أو مش بتشتغل أصلا أو إنها بتستقبل لون مختلف عن اللون الطبيعي ، اما عمي الألوان بيخصل بسبب الخلط بين اللون الأحمر و الأخضر.

*في باحثين بيرجحوا إن 12% من البنات عندهم 4 أنواع من المخاريط بدلا من 3 مخاريط و دا اللي بيخليهم يدركوا الالوان بشكل اكبر بنسبة 100% أكتر من اللي عندهم 3 أنواع من المخاريط.

أوجه التشابه و الإختلاف بين عين الإنسان و الكاميرا

دقة عين الإنسان بالميجا بيكسل مقارنة بالكاميرا كبيرة جدا خصوصا إن أحدث الكاميرات وصلت دقة إستقبال الصورة ل50 ميجا بيكسل علي عكس العين اللي بتوصل دقتها ل576 ميجا بيكسل. و الميجا بيكسل هي وحدة إليكترونية لقياس وضوح الصورة بالنسبة للكاميرات و صعب تطبيقها علي العين عشان في فرق كبير بين تقنية الكاميرا و تقنية العين البشرية لكن في اخر الابحاث في تشريح العين اللي حاولت المقارنة بين العين البشرية و الكاميرا. إكتشفنا دا:

أوجه التشابهعين الإنسانالكاميرا
سرعة نقب البيانات60000 بت في الثانية الواحدة100 بت
العدساتما بين الـ 16 MM و الـ 24 MM4MM
مساحة الألوان3D-RGB2D-RGB
White Balance موازنة الأبيضAutomaticManual/Automatic

والإختلاف الكبير بين العين و الكاميرا إن العين بتلقط أكتر من عنصر في نفس الوقت لكن الكاميرا بتلقط عنصر واحد بس و العين بتقدر تتحرك وتستقبل الصور في اكتر من إتجاه علي عكس الكاميرا اللي بتصور في إتجاه واحد بس

أوجه الإختلافعين الإنسانالكاميرا
العدساتالعضلات بتغير الشكل الفعلي للعدسة عشان يزيد التركيز فالرؤية تبقي أوضحالعدسة بتتحرك أقرب أو أبعد عشان تزيد التركيز فالصورة تبقي أوضح
زاوية الرؤيةالعين عندها زاوية رؤية أكبر بين 120 حتي 200 درجة و لما بتبص بعينيك الإتنين بيبقي الزاوية 130 درجة و دي اللي بتساوي زاوية رؤية العدسة ال Fish Eye (عين السمكة)
و الجزء المركزي للعين هو أكتر جزء بيتحكم في رؤيتنا للأحجام و بيكون بحدود 40 – 60 درجة و دا اللي بيخلينا نشوف الحاجة من غير داعي إن نحرك عينينا
الزاوية بتتحدد علي حسب البعد البؤري للعدسة يعني مثلا العدسة ال Tele (التكبير) بيبقي البعد البؤري بتاعها أكبر و بالتالي زاوية رؤيتها محدودة مقارنة بالعدسة العادية
حساسية الضوءالشبكية لما بيوصلها الضوء بتبتدي سلسلة من العمليات و الكهربائية اللي بتحصل و بتؤدي إلي وجود النبضات العصبية اللي بيتم إرسالها المراكز البصرية فبتم الرؤية.
و بالنسبة في الأماكن الضلمة جودة الصورة و الإضاءة بتبقي أفضل من الكاميرا
الفيلم بيبقي حساس للضوء بشكل موحد

إكتشف العلماء إن قرنية عين الإنسان شبه قرنية عين أسماك القرش و عشان كدا بيحاولو يستخدموها في عمليات زرع القرنية

بعض المعلومات الغريبة المرتبطة بالعين

1. كل الناس اللي عينيهم زرقاء بيرجعوا بالأصل لشخص واحد :

 

كشفت دراسة أمريكية إن كل الأشخاص اللي عينهم زرقاء بيجعوا بالأصل لنسل راجل واحد حصلتله طفرة جينية كان عايش بالقرب من البحر الأسود من حوالي 6 إلي 10 الاف سنة تقريبا و إن هو سبب وجود كل العيون الزرقاء في البشر. و أشار التقرير إن الأصل إن كل الناس لون عينيهم بني. لكن إيه الجين المتكون في تلوين العين.

#لون العين:

هو نمط متعدد الجينات بيحدده عاملين:

  • الصيغة في قزحية العين.
  • مقدار تشتت الضوء الموجود في الوسط في نسيج القزحية.
    و إن صبغة القزحية بتتدرج من اللون الإسود للبني، إعتماد علي تركيز الميلانين في النسيج الطلائي للقزحية و إن اللون الأزرق و الأخضر للعينين بينتج بسبب ظاهرة تندل و هي عبارة عن تأثير تبعثر الضوء في جزيئات المادة الغروانية او في جزيئات المادة المعلقة .

و هي ظاهرة شبه ظاهرة تلون السماء باللون الأزرق .
العيون الملونة بالنسبة للطيور بتنتج بسبب وجود أصباغ معينة زي البتريدين و البورين و الكارتينيويد.لكن البشر و الحيوانات ليها انماط ظاهرية كتيرة للعين، و أوضح العالم إيجبيرج إن الطفرة اللي غيرت لون العينين مش طفرة إيجابية و مش طفرة سلبية، زي النمش و الصلع و الطفرة اللي بتسبب تغير في لون الشعر. ولكنها طفرة بتدل علي التغيير المستمر في الجينيوم البشري و التغييرات اللي بتحصل فيه.

2.بعض الباحثين إستخدموا لعبة تترس لعلاج كسل العين :

هي لعبة فيديو صممها إليكس باجيتنوف في سنة 1985 و دا لما كان شغال في الأكاديمية الروسية للعلوم. و إسم اللعبة دي إتاخد من الإسم الإغريقي تترا و دي معناها الرباعي .
وصف اللعبة:
هي عبارة عن أحجار و بتقع في مساحة اللعب المعينة و هدف اللعبة إن تحرك الأحجار دي بشكل عشوائي في شكل دائري أو يمين او شمال او إنك تغير في شكلها بزاوبة 90 درجة و بتكسب في اللعبة لما بتعمل خط أفقي من غير ما يبقي في مساحات و لو معملتش كدا حتختفي كل القطع.

نصائح تساعد في حماية العين

وعشان كل الغرائب و الخصائص الكبيرة اللي في العين و في اللي مقدرناش نعرفه و في اللي لسه حنعرفه دلوقتي تعالي نعرف إزاي نقدر نحافظ علي عينينا و صحتها و نحميها

1.الأكل الصحي :

 

حماية العين بتبدأ من الأكل اللي بتاكله و المواد الغذائية اللي داخليه فيه زي الأوميجا 3 و اللوتين و الزنك و الفيتامينات و بالذات فيتامين سي و فيتامين اي و الاكل اللي بتاكله بيساعد في حماية العين من المشاكل المرتبطة بالتقدم في السن زي إعتام عدسة العين  و من أهم الأكلات لعينك:

  • الخضراوات : السبانخ و الكرنب
  • الأسماك : سمك السالمون و التونة و الأسماك الزيتية عامة
  • البيض و الفول و مصادر البروتين غير اللحوم
  • الفواكه و الحمضيات

    بشكل عام النظام الغذائي الصحي المتوازن بيساعد في إن وزنك يبقي مثالي و صحي و دا بيخليك اقل عرضة إنك تتصاب بالامراض اللي مرتبطة بتقدم السن و الامراض المرتبطة بالسمنة زي السكري اللي ممكن يسبب العمي

2.الإبتعاد عن شاشة الكمبيوتر و الموبايل :

 

إنك تقعد باصص لشاشة الموبايل أو الكومبيوتر وقت طريل دا ممكن يسببلك:

  • إجهاد العين
  • رؤية ضبابيه
  • جفاف العين
  • صداع
  • آلام في الرقبة و الظهر

2.نظارات الشمس :

 

لازم تبعد عن الأنواع المقلدة من النظارات الشمسية عشان تقدر تمنع و تحمي العين من الأشعة الفوق بنفسجية خصوصا لإن التعرض الدائم للأشعة فوق البنفسجية من غير ما تكون النضارة الشمس موجودة دا بيزيد إحتمالات الإصابة بالأمراض زي إعتام عدسة العين و امراض في شبكية العين إختار نضارة تمنع الاشعة الفوق بنفسجية بنسبة 99% او 100%

2.النظارات الوقائية :

 

و دي لو بتتعامل مع المواد الخطرة زي اللحام أو النار إلبس نضارة عشان تحمي عينك و في برده بعض الرياضات اللي ممكن يحصلك فيها إصابة في عينك عشان كدا لازم تتأكد من وجود و جودة الخوذ و الأقنعة المخصصة للألعاب او الأعمال اللي فيها خطورة علي العين

2.عدم التدخين :

 

التدخين يسبب إعتام عدسة العين و تلف العصب البصري و مشاكل في شبكة العين وعشان كدا لازم تحاول تبطل تدخين

2.زيارة دكتور العيون بشكل دوري :

 

كل الناس مع إختلاف سنهم محتاجين زيارة دكتور العيون بشكل دوري منتظم عشان تحافظ على صحة عينك و تحميها من الأمراض دا غير إن الاكتشاف المبكر للأمراض بيساعد في العلاج اكتر

لو حاسس إن عينك تعبانة و فيها حاجة مش طبيعية بقالها فترة تقدر تحجز و هنعملك الفحوصات اللازمة خلال الكشف الطبي الخاص بِك للإطمئنان