العيون و أثر المكياج عليها

في الأنفوجرافيك دا هتعرفي إزاي تستخدمي  و تحطي المكياج بالطريقة المناسبة اللي متضرش عينك و إيه الحاجات المناسبة و اللي تقدري تستخدميها و ايه الحاجات اللي يستحسن تبعدي عنها و امتى بلاش تحطى خالص مكياج عشان عينك ميحصلهاش اي ضرر كل الحاجات دي هتعرفيها في الانفوجرافيك دا

لو بتشوف الـ Info-graphic دا من الموبيل فأحسن طريقة إنك تعمل Rotate

أكتر 3 أسباب بيؤدوا لإلتهاب العين بسبب مستحضرات التجميل

  • أقلام الكحل

    الطريقة الغلط في وضع ميكياج العيون بيأذي القرنية (سطح العين) و غالبا بيحصل ده بسبب الاقلام الكحل مش مبرية كويس او حوافها خشبية حادة  او المكياج السائل يدخل يدخل العين

  • عدم تغيير أدوات المكياج بإستمرار

    إستخدام  مستحضرات التجميل القديمة البكتيريا  بتنمو على أدوات المكياج و ممكن بسهوله تتنقل البكتيريا للعين و تسبب الالتهاب و الحساسية

  • المواد اللاصقة زي الرموش

    المواد اللاصقة اللي بتستخدم في لصق الرموش او تغير شكل الحواجب بتسبب التهيج وحساسية بالجفون و جرح و نزيف في الملتحمة سقوط في الرموش الطبيعية و التهاب في اقرنية  و اللي ممكن توصل لفقدان البصر او العمي لانها فيها مادة الفورمالديهايد والرصاص وحمض البنزويك و مواد مسرطنة

إيه هي الطريقة المناسبة لوضع المكياج

  1. لازم قبل مكياج العين تغسلي إيدك و ضوافرك كويس جدا
  2. لازم المكياج يتحط في غرفة الإضاءة فيها كويسه و نبعد تماما عن وضعه في العربية أو قطر لأن ممكن مع أي حركة مفأجاة يحصل غلط أثناء وضع  قلم الكحل أو الماسكارا اللي ممكن تسبب خدش للقرنية و ده ممكن يؤدي لعدوي بكتيرية
  3. مينفعش تستخدمي اللُعاب تماما لترطيب مكان أو إزالة جزء من الميكب عشان ده ممكن ينقل بكتريا للعين

  4. حافظي علي المكياج  في مكان نضيف و مقفول و دائمًا عند 85 درجة فهرنهايت أو أقل ( يعني مينفعش الإحتفاظ بيه في عربيتك أو في الحمام لوجود البخار)

  5. الفُرش و الاسفنجه  تكون ديماَ نضيفة عشان تمنعي فرصة تكون أى  بكتيريا علي حاجة منهم و اللي بدورها ممكن تنشهرها علي وشك و حولين عينكى و توصل  للإلتهاب الملتحمة. واحمرار في العينين ، تهيج و إفرازات صفراء متجمعة علي رموشك

  6. حطي ديما  كحل العين و الايلاينر و الماسكارا بعيد عن خط الرموش سواء في الجفن العلوي و السفلي بحيث يتحط علي الحدود الخارجية  للعين مش داخل العين ده بيحمي العين من التحسس و التهييج و عشان متسديش الغدد الزيتية اللي بتفرز زيوت تحافظ علي سطح العين
  7. إستخدمي كل حاجة لمكان محدد  يعني مينفعش تستخدمي محدد العيون علي الشفايف أو أي مكان تاني غير العين لأن كده بتساعدي علي إن البكتريا تتنقل لعينك

إمتي يكون المكياج غير آمن

  1. لو إستخدمتي منتج غير مخصص للعين أو مخصص للقرب منها زي إستخدام صبغة الشعر في صبغ الحواجب
  2. أي حاجة امنه انها تُستخدم بالقرب أو علي العين لازم تتجدد بعد انتهاء صلاحيتها خصوصا لو سوائل زي المسكارا و كونسيلر العين و محدد العين السائل (الأيلينر) كل ٣ : ٦ شهور
  3. المكياج اللي بيكون فيه جلتر أو بيتقشر ده بيشكل خطر كبير علي العيون أنه يعرضها للإلتهاب و التهيج أو إنها  تخدش عينيك فلازم نكون حريصين و إحنا بنستخدم الأنواع دي لإنها هي سبب شائع جدا لتهيج القرنية علي وجه الخصوص
  4. إبعدي تماما عن  الكحل التقليدي واللى بيكون علي شكل بودرة و بيتحط  بواسطة عصا مخصصة لانه بيحتوي علي رصاص مضر جدا للعين
  5. علي الرغم إن تجربة المكياج شيئ مغري جدا إلا إن مينفعش إنك تشاركي مكياج العيون مع حد تاني خاصة عينات التجربة اللي موجودة في المحلات يفضل إنك تطلبي عينة فردية مستخدمهاش أي حد قبلك لإن  ممكن تصابي بعدوى و إحمرار و إنتفاخ في العين إنتي في غنى عنه

ايه الوقت اللي مينفعش أستخدم فيه مكياج العيون

لو بشرتك حساسة أو عندك حساسية لازم تجربي أي مكياج جديد في عين واحدة الاول و استني لما تشوفي النتيجة اذا مضر ليكي و لأ , و يفضل تجربي منتج واحد و بعدين تضيفي التاني  وده عشان تعرفي تحددي مين فيهم اللي بيسببلك مشكلة لو عاملة عملية قريب لعينكى إبعدي تماما عن مكياج العين لحد ما الطبيب بتاعك يسمحلك بيه و في الحالة دي إبدأي بستخدام مكياج  جديد K لو إستخدمي حاجة استخدمتيها قبل كده و عينك اتضررت منها إبعدي عنها  ,في حالة إنك هتعملي ميكياج دائم زي تاتو الحواجب و غيرها إتاكدي إن المكان اللي هتعملي فيه يكون موثوق و علي قدر من النظافة و الأمان ، إرمي كل الاقلام الكحل القديمة بعد مرور سنة لانها صلاحيتها بتكون انتهت و أول ما تبدأ تكون الاقلام سطحها ناشف و حجرية  و ده بيتطلب انك تضغطي بقوة اكتر و ده ممكن يزيد من احتمالية اصابة القرنية

إذا أصبت العين بالعدوي ، ارمي فوراً  كل مكياج العين لتجنب الإصابة بالعدوى و إبعدي تماما عن انك تضيفي مية أو لعاب أو سوائل للماسكارا الناشفة عشان تعرفي تستخدميها لأن بمجرد ماتنشف أو مدة صلاحيتها تنتهي مينفعش تستخدميها

الماسكارا و الرموش

بنستخدم الماسكارا ديما لتكثيف، إطالة الرموش اللي بتبرز العين أكتر و العملية دي لواتعملت بطريقة غير صحيحة ممكن تودي لـ كسر الرموش أو عمل فجوة في خط الرموش فبتالي إحرصي ديما إنك تكوني بتتبعي الإرشادات اللي مكتوبة عليها  و أن الفرشة اللي بتستخدميها تكون نضيفة عشان ممكن الاهمال فيها تجمع البكتريا لجميع أنحاء عينك

الماكياج والعدسات اللاصقة

المكياج ممكن يكون أسوء للعين لما تلبسي لينسيز معاه لأن سهل جدا أنه يلزق في العدسة فبالتالي لازم تكوني لابسه العدسة الأول قبل ما تحطي المكياج و طبعا بعد متكوني متاكدة انك غسلة إيدك كويس قبل ما تلمسي العدسة عشان تتجنبي إنك تنقلي زيوت او أي كريمات للعدسة ، تأكدي إن المكياج اللي بتستخدميه معندكيش منه حساسية و لو بتحطي إيشادو إستخدمى الإيشادو الكريمي هو خيار أفضل من البودرة لانه أقل إحتماليه في إنه يدخل عينكى لكن لو استخدمتي الباودر فحاولي إن عين تفضل مقفولة في فترة الوضع و إنك تشيلي كل الزوائد قبل ما تفتحيها تجنبي إن الأيلاينز يجي علي رموشك لانه هيزيد احتمالية نقله للعين

مدة صلاحية المكياج العيون

كل شركة منتجها بتختلف مدة صلاحيتها عن التانية فلازم تشوفي المدة المكتوبة عليه الأول

  • نوع المكياج
  • الماسكارا

  • قلم محدد العيون ( الكحل )
  • محدد العيون السائل
  • الأيشادو ( ظل العيون )
  • كونسيلرالعيون سائل
  • كونسيلربودرة
  • مدة الصلاحية
  • من ٣ لـ ٤ شهور
  • من ١٢ : ١٨ شهر
  • من ٤ ل ٦ شهور
  • ١٢: ٢٤ شهر
  • ٦ :١٢ شهر
  • ٢٤ شهر

إزالة المكياج

لازم تحرصي إنك تنامي و وشك خالي و نضيف تماما من أي مكياج اللي ممكن تسد المسام وتجمع رواسب حولين العين و تعمل تراكم للزيوت في بشرتك و خاصة العين لان مع الفركك لعنيكى بيدخل جوها الاوساخ والجسيمات اللي بتأذيها و بقطعة قطن نظيفة مشطي بيها رموشك لإزالة أي حاجة متعلقة بيها من  الماسكارا.

علاج العيون والمكياج

لو عينك إتاثرت بأي تهيج أو عدوي أول حاجة إبعدي تماما إنك تستخدمي مكياج كليا علي الوجه كله عشان تقللي إحتمالية إن العين يتنقلها حاجة و  يحصلها تهيج أكتر ، لو الإنزعاج و التهيج اللي موجود ناتح من إن جزء من المكياج دخل العين و مسبب مشكلة إستخدمي غسول العين اللي موجود في الصيدليات هو هيساعد علي طرد الجسيمات الغريبة بلطف من غير أي خدش و هيطهر العين و يخفف الأعراض في حالات اللي العين تتصاب فيها ببكتريا بتحتاج العين لقطرات مضادة للبكتريا أو مراهم في الحالة دي الدكتور المختص بيكتبلك بيهم و هتاخد اسبوعين علي ما العين تبدأ تهدي و ترجع لطبيعتها

لو حصلتلك أي حاجة من اللي قولناها فوق بننصحك تزوري طبيب متخصص للإطمئنان و العلاج قبل حدوث تطورات تقدري تحجزي معاد في مركزنا الطبي اونلاين من هنا 👇

عايزة أحجز معاد مع الدكتور

إستخدم الإنفوجرافيك دا على موقعك