أعراض لأمراض للعيون قد تسبب العمي

جسمك اوقات كتير بيحاول يبعتلك اشارات ينبهك بيها بوجود خلل فى جهاز ما فى جسمك بس للاسف تجهالك للاشارات دى ممكن يؤدى لكوارث قد تصل لفقدان جزئى او كلى للبصر علشان كده هانتكلم عن مجموعة من الاعراض اللى لو بتحصلك فانت لازم تروح لدكتور عيون فورا و من هنا إنت بتواجه خطر كبير جدا و بيتشكل في أمراض بتهاجم عينك، وبعض الأمراض دي ممكن يسبب فقدان البصر الكلي او الجزئي لكن الجانب الأيجابي إن في أعراض لو حصلتلك أو إتكررت معاك أكتر من مرة ده معناه إن إنت في خطر كبير ولازم تنتبه و تاخد بالك، وتروح لدكتور العيون فورا بدون تردد او تأخير لإن صحة العيون من أهم الحاجات الضرورية اللي لاز تهتم بيها بشكل كبير خصوصا لدورها الحيوي في حياة كل فرد في كل يوم، اللي من غيرها مش حيعرف يكمل حياته و واجباته اليومية بشكل طبيعي.

إيه أهم الأعراض اللي لازم تهتم بيها بشكل كبير و إيه هي أخطر أمراض العيون أعراض بتحذرك من مشاكل خطيرة علي العين

لو إنت عندك أي عرض من الأعراض اللي حنعرفها حالا يبقي إنت لازم تروح للدكتور فورا

1. إنفصال الزجاجية:

بقع و نقط كتير في مجال البصر ، مع تقدم العمر ظهور البقع و النقط بيبقي شيء طبيعي و اللي بيبقي إسمها إنفصال الزجاجية و هي عبارة عن تقلص السائل اللي شبه الهلام اللي بيملي العين مع مرور السنين و بتتكون بلورات في سائل العين و دا بيسبب إن الزجاجية بتنفصل عن شبكية العين اللي بيحصل فيها تحليل الرؤية.

هو مرض بيحصل لما مادة الجيلاتينية اللي بتملأ الجزء الزجاجي الخارجي للعين بتنفصل عن الأجزاء اللي بتثبتها بالشبكية و دا اللي بيسبب ظهور بقع سودا كتيرة علي شكل شبكة في مجال الرؤية و أحيانا بيظهر خيوط علي شكل عنكبوت.

أعراضه :

  1. بتشوف بقع في مجال الرؤية أو تتخيل بذبابة بتطير.
  2. ضوء لامع في جوانب الرؤية
  3. مضات ضوء مفاجئة

ظهور بقع كتير قدامك ممكن يحصل بسبب تمزق خطير في الشبكية أو إنفصال الزجاجية لو بدأت تشوف فجأة بقع كتيرة يبقي لازم تروح للدكتور فورا

الأشخاص المعرضين للإصابة بإنفصال الزجاجية:

  1. كبار السن: مع التقدم في العُمر طبيعي إن يحصل إنفصال في الزجاجية و خصوصا بعد سن ال50 سنة
  2. قصر البصر: خصوصا لو بنسبة كبيرة بيسبب إنفصال الزجاجية في أعمار الشباب.
  3. الماء الأبيض: بتزيد خطورة الإصابة بمرض إنفصال الزجاجية بالذات إن كان الشخص مصاب بالماء الأبيض.
  4. التعرض لإصابة : ممكن التعرض لإصابة أو صدمة يسبب إنفصال الشبكية.طرق العلاج :
    انفصال الجسم الزجاجي لا يستدعي اي تدخل جراحي عاجل ولا حتي علاج . انما هايحتاج زياره عاجله للطبيب للاطمئنان علي حالة الشبكيه واستبعاد حصول قطع بها وقت حدوث انفصال الجسم الزجاجي
  • ستارة سودا بتغطي مجال البصر:
    لو بدأت تحس إن فيه ستارة سودا بتغطي مجال البصر و بتمنعك من إنك تركز كويس فدا ممكن يكون بسبب إنفصال الشبكية
    واللي بيحصل لما شبكية في العين بتنفصل من الطبقة الأساسية للأوعية الدموية. و دا لو محصلش إن الشبكية رجعت تتصل و تتوصل بالأوعية الدموية تاني في خلال ساعات قليلة جدا ممكن دا يسبب فقدان رؤية كامل.

  • إنفصال الشبكية:
    هو مرض بصري خطير يصيب حوالي 1 شخص كل 10 الاف شخص و أكتر الناس اللي بيتصابوا بالمرض دا يا في مرحلة الثلاثينات او كبار في السن و غالبا ما بيعانوا من قصر النظر أو لإصابة العين أو بسبب وراثي.الجزء الزجاجي بيبقي متصل بالشبكية و أي إنكماش بيحصل في الجزء الزجاجي بياخد معاه كمان جزء من الشبكية و دا اللي ممكن يمزق الشبكية أو يعمل ثقب فيها.

    الأعراض :
    1.رؤية أجسام طافية.
    2.ومضات ضوء.
    3.الشعور بوجود ستار يغطي مجال البصر.

    العلاج:
    التدخل الجراحي  العاجل، هو الحل الوحيد هنا عشان يقدر الدكتور يرجع الشبكية لمكانها. لإن كل ما الشبكية ترجع مكانها أسرع دا بيدي فرصة أكبر لإستعادة النظر

2. حلقات ملونة

لو بدأت تشوف حلقات ملونة حوالين مصدر الرؤية و حسيت بوجع شديد في عينك لازم تعرف إن دا ممكن يكون مؤشر علي إرتفاع كبير في ضغط العين ودا خطورته إنه بيهدد المريض بيه بالعمي الكلي أو الجزئي

3. إرتفاع ضغط العين:

هو مرض بيحصل نتيجة زيادة السوائل جوة العين مع عدم خروجها او ترشيحها خارج العين و هو مختلف تماما عن ضغط الدم و ملهمش علاقة ببعض. و ضغط العين في الحالة العادية بيتراوح من 10 و 21 مم زئبق و إرتفاع ضغط العين خطر جدا لإنه ممكن يسبب مرض المياه الزرقاء أو الجلوكوما اللي بيسببوا فقدان البصر.

أعراض إرتفاع ضغط العين:

  1. إضطراب الرؤية
  2. الشعور بألم حاد في العين
  3. الشعور بالصداع و الام في الرأس
  4. رؤية هالات أو حلقات أو الوان قوس قزح لما تبص في إتجاه ضوء

علاج إرتفاع ضغط الدم:

  • أدوية : مثل القطرات بهدف إن تقلل إنتاج العين للسوائل.
  • التدخل الجراحي: في حالة إن الأمر طاريء و إرتفاع ضغط العين كبير يجب التدخل الجراحي حتي لا يسبب الجلوكوما.

4. المياه الزرقاء الحادة (مغلقة الزاوية)

هو مجموعة إنقباضات حادة او مزمنة بتسد القزحية  و دا يؤدي إلي ضيق الخزانة الاماميه للعين وانسداد المجري الطبيعي لتصريف سائل العين مما يؤدي الي ارتفاع كبير وحاد في ضغط العين و بتقلل او بتمنع تسرب السائل و بتزود الضغط جوه العين و دا ممكن يتسبب في تضرر العصب البصري بشكل دائم و بالتالي حيؤدي لفقدان البصر و ساعتها بيبقي لازم تدخل طبي ضروري لمنع فقدان البصر

أعراض المياه الزرقاء :

  1. ألم مفاجيء في العينين و إحمرارهم
  2. الإحساس بالغثيان و القيئ
  3. إعتام تدريجي في مجال البصر(الرؤية)
    في الحالة الأخيرة و هي مجال الرؤية “إعتام تدريجي في مجال البصر(الرؤية)” بيصغر بشكل تدريجي أو مفاجيء و ساعتها مبتعرفش تشوف غير اللي بيبقي موجود قدام عينيك بس و مبتعرفش تشوف اللي أبعد من كدا و دا بيبقي بسبب المياه الزرقاء مفتوحة الزاوية و هو أكتر أنواع مرض الزرق إنتشار بنسبة 80% و دا بيبقي من الأسباب الرئيسية للأصابة بالعمي لكبار السن ، و دا بيسبب تضرر العصب البصري و بيصاحبه فقدان جزئي للرؤية و لازم نقول برده إن من غير تدخل سريع من الدكتور ممكن يحصل فقدان جزئي او كلي للبصر.

    ونقدر نتكلم بشكل مبسط عن الجلوكوما – المياه الزرقاء

5. الجلوكوما – الزُرق

للجلوكوما أسماء كتير جدا زي الزُرق أو المياه الزرقاء و هو مرض غالبا يكون مصاحبا بارتفاع ضغط العين وقد يحدث مع ضغط عين غير مرتفع ، و بيتسبب في تلف أنسجة العصب البصري و الخطير هنا إن لو متعالجش المرض دا بسرعة ممكن يحصل تلف كلي للعصب البصري الأمر اللي ممكن يسبب فقدان النظر

و لمرض الجلوكوما أنواع كتيرة من أهمها:

  1. جلوكوما الزاوية المفتوحة :
    و ده أكتر نوع مشهور من الجلوكوما و بيمثل 80% من الحالات المصابة بالجلوكوما و دا بيحصل نتيجة التقدم في العمر و خاصة بعد سن ال 35 سنة و بيحصل بسبب ضعف زاوية التصريف جوه العين و دا اللي بيؤدي لزيادة ضغط العين تدريجيا و دا اللي بيتسبب في تلف ألياف العص البصري.
  2. جلوكوما الزاوية المغلفة :
    و ده نوع مش بيحصل كتير و بيبقي أكتر ناس معرضة ليه الناس اللي مصابة بطول  النظرفقط هو إنسداد كامل لزاوية تصريف جوه العين. انما اللي عنده قصر نظر بيكون معرض اكتر للاصابه بالنوع الاول ( مفتوح الزاويه)
  3. الجلوكوما الخلقية:
    و دا بيورثه الطفل من الأبوين أو  نتيجة لتزاوج الأقارب
  4. الجلوكوما الثانوي:
    دا بيحصل نتيجة للإصابة بحالة مرضية زي إلتهاب القزحية.

أعراض الجلوكوما
هنا الجلوكوما مش بيبقي ليها أعراض غير فقدان جزئي للبصر ما عدا جلوكوما الزاوية المغلقة بيصاحبه أعراض كتير منها:

  1. الصداع الشديد
  2. ألم حاد في العين
  3. التقيؤ
  4. إحمرار العين
  5. إختلال الرؤية المفاجيء

العلاج

  1. قطرات العين : عشان تقلل إنتاج العين للسوائل
  2. الأدوية عن طريق الفم : و دي غالبا بتعطي لما القطرات بتفشل في العلاج لكن الأدوية دي بيبقي ليها أثار جانبية زي كثرة إدرار البول و الشعور بتخدير في أصابع اليد و القدم و دا بسبب إحتوائها علي  مثبطات لانزيم الكربونك انهيدريز
  3. التدخل الجراحي: هنا العلاج بيبقي عن طريق عملية جراحية او أشعة الليزر و اللي فيها بيتعمل فتحة للتخلص من السوائل جوة العين

6. دموع كتير:

هي ممكن يكون سببها بسيط زي الحساسية أو إن الدنيا برد مثلا لكن الدموع الكتير علامة كبيرة جدا علي جفاف العين و هو إن العين مش بتنتج دموع كتير عشان ترطب العين، بتبقي العين حمرا و دا بينتج عنه إن الغده الدمعية بتتهيج و بتطلق كمية كبيرة جدا من الدموع

دموع سوداء:
لو حصل قطرت سوداء من خلال العين لازم تاخد بالك و تطلع علي الدكتور لإن دا علامة علي نزيف العين

7. جفاف العين

هو حالة مرضية بتحصل لما الشخص مبيبقاش عنده دموع كفاية عشان يغذي العين. و الدموع هي شيء أساسي لصحة العين حيث إن الدموع بتحمي سطح العين الأمامي و بتوفر رؤية واضحة للعين. و الدموع بتنتج عن طريق الغدد الدمعية و إفرازها للدموع بيبقي مستمر عشان تغسل العين من الأتربة و علاج جفاف العيون بيبقي عن طريق معادلة كمية الدموع الطبيعية اللي بيتم إفرازها للعين عشان تقلل الجفاف

أسباب جفاف العين:

  1. العمر: التقدم في العُمر من الأسباب الجوهرية اللي بتؤدي لمشكلة جفاف العين. و دا لإنه جزء أساسي من عملية الشيخوخة.
    حيث معظم الناس اللي بتعاني من جفاف العين فوق ال65 سنة

  2. الأدوية :أدوية كتير بتأثر علي العين و بتسبب جفافها زي مضادات الهيستامين ومضادات الاحتقان وأدوية ضغط الدم ومضادات الاكتئاب و بتقلل إنتاج الدموع.
  3. حالات طبية: حالات مرضيىة كتيرة بتسبب جفاف العين زي التهاب المفاصل الروماتويد والسكرى ومشاكل الغدة الدرقية هم أكثر عرضة لأعراض جفاف العين، أيضا مشاكل التهاب الجفون، التهاب أسطح العين، أو تحول الجفن إلى الداخل أو الخارج يمكن أيضا أن تسبب جفاف العين.

  4. الظروف البيئية: كالتعرض للدخان والرياح والمناخ الجاف يمكن أن يزيد تبخر الدموع مما يؤدى إلى أعراض جفاف العين.
  5. العدسات اللاصقة: إستخدام العدسات اللاصقة لفترة طويلة ممكن يسبب جفاف العين.

علاج جفاف العين:
علاج جفاف العين بيعتمد علي إضافة دموع عن طريق إستخدام أدوية بتنتج دموع صناعية.

  1. علاج جفاف العين بإضافة الدموع : و دا بيبقي عن طريق إستخدام محلول دموع الصناعية.
  2. علاج جفاف العين بزيادة إنتاج دموع مسيلة: ممكن الطبيب يوصف قطرات بتزيد من إنتاج الدموع.
  3. الأغذية الغنية بالأوميجا 3 : تناول أغذية دهنية غنية بالأوميجا 3 بيساعد علي إنتاج الدموع.

    >>ملحوظة مهمة ” الدموع السوداء” :
    لو حصل قطرت سوداء من خلال العين لازم تاخد بالك و تطلع علي الدكتور لإن دا علامة علي نزيف العين

8. تشوهات في مجال البصر:

و دا مرض مرتبط بالتقدم في السن أكتر و التشوه في مجال البصر ممكن يحصل بسبب مرض الضمور البقعي و هو مرض بصري بيسبب فقدان البصر الدائم و بالذات للبالغين فوق ال50 سنة .

الضمور البقعي:
هو عرض شائع جدا بالذات عند كبار السن اللي عُمرهم أكتر من 65 سنة و بيسبب المرض دا ضبابية الرؤية بسبب ترقق البقعة، و البقعة هي جزء من الشبكية مسئول عن وضوح الرؤية . ممكن يظهر في عين واحدة بعد كدا ينتقل للعين التانية.

أعراض الضمور البقعي:

  1. تشوهات بصرية، زي إنك تشوف الخطوط المستقيمة مقوسة
  2. إنخفاض الرؤية المزكزية في العينين
  3. صعوبة التكيف مع مستويات الضوء المنخفضة
  4. صعوبة التعرف علي الوجوه.

الوقاية من مرض الضمور البقعي
للأسف الضمور البقعي ملوش علاج بس الشيء الإيجابي إن في طرق للوقاية منه منها:

  1. الإكثار من أكل الفاكهة
  2. الإمتناع عن التدخين.

  3. حافظ علي وزن صحي و مارس الرياضة بإنتظام.
  4. إتبع نظام غذائي صحي

9. إعتام عدسة العين

هو تغيم عدسة العين الصافية و تغير لونها ودا بيؤدي إلى عدم وضوح الرؤية وظهور هالات حوالين الضوء باليل و إنك متعرفش تشوف الالوان الفاتحة ، الأعراض اللي قولناها هنا من أخطر الأعراض اللي لازم تاخد بالك منها و تتحرك فيها بسرعة كبيرة كمان لإن الأعراض دي ممكن تحصل بسبب إعتام عدسة العين و المشكلة هنا مش بس في الإعتام دا لأ إن الحالة بتاعة المريض بتسوء بشكل أكبر و اسرع مع الوقت و إن العدسة لما بتبقي غائمة اكتر المريض ممكن يفقد البصر لو متمش التدخل الجراحي و هنا لازم نعمل عملية إسمها جراحة الساد.

جراحة الساد :
هي جراحة بيحصل فيها إزالة  للعدسة المتعكرة و الغائمة او بيحصل إنها بتتبدل بواحدة تانية صناعية و لو تم تأجيل جراحة الساد كتير بتزيد فرصة إن يحصل مضاعفات و من أهم المضاعفات دي إن العدسة المتعكرة حتبقي صلبة اكبر و هنا ممكن الوضع يكبر و يتفاقم أكتر و دا بيخلي العملية أكثر تعقيدا و بيخليك أكثر عُرضة للمضاعفات

أعراض إعتام عدسة العين:

  1. رؤية مغيمة
  2. صعوبة الرؤية في الليل
  3. حساسية للضوء
  4. بهتان الألوان و اصفرارها
  5. رؤية هالات حول الضوء

طرق الوقاية:

  1. تناول غذاء صحي سليم
  2. الذهاب للدكتور بشكل دوري و مستمر.
  3. الإقلاع عن التدخين.

  4. إستخدام نضارات الشمس.

    العلاج :
    للأسف عن طريق التدخل الجراحي

10. الرؤية المزدوجة

و هي إنك تشوف الحاجة مرتين و دا ممكن يحصل بسبب أمراض كتيرة من أمراض العيون لكن هو عرض من أعراض ضعف الاعصاب المتحكمه بعضلات العين وده غالبا بسبب خلل في الضغط او السكر واحيانا بسبب امراض بالمخ زي الجلطه والتمدد الشرياني عشان كدا لو في يوم حصلك إزدواج في الرؤية لازم تروح للمستشفي أو لدكتور الأسرة او  فورا لضمان سلامتك.

11. كبر العينين

وهي إن العينين يبقوا خارجين من مكانهم بشكل كبير جدا بصورة مش طبيعية و دا طبعا باستثناء الحالات الخلقية ،وسبب الجحوظ في العينين بيرجع لخلل في الغدة الدرقية او بيرجع لسبب فصر حاد في البصر ،لكن لو عين واحدة بس هي اللي كبرت فدا دليل علي وجود إالتهاب وبيبقي بسبب إلتهاب الجيوب الأنفية أو وجود ورم ورا العين او شذوذ وعائي مهم جدا إنك تروح للدكتور في حالة جحوظ العين لان دا ممكن يتلبف القرنية علي المدي الطويل و إن الضغط اللي بيتولد علي العصب البصري او الشريان اللي بيروي العين ممكن يسبب العمي

12. الرمد الحبيبي و الرمد الربيعي

من أكتر الأمراض إنتشارا في مصر هو مرض الرمد الحبيبي و الرمد الربيعي، في أمراض كتير بتصيب المصريين و منتشرة بينهم وهنتكلم عن أشهر الأمراض دي و أسبابها و طرق الوقاية منها

أ ) الرمد الحبيبي

هو عدوي بكتيريا بتتنتقل عن طريق تلامس العينين و الجفون و إفرازات الأنف أو الحلق و ممكن ينتقل عن طريق إمساك العناصر المصابة بالعدوي زي المناديل.

أعراض الرمد الحبيبي:

  1. شعور بحاجة لدعك العين المستمر
  2. ألم شديد في العين
  3. حساسية تجاه الضوء
  4. تورم الجفون

كيفية الوقاية منه:

  1. غسل العين جيدا
  2. البعد عن الذباب و الأجسام حاملة العدوي
  3. إدارة النفايات بطريقة صحيحة عشان تقلل من الأماكن اللي بيتواجد فيها الذباب
ب) الرمد الربيعي

هو مرض ليه علاقة بالربيع لكنه غير قاصر علي شهور الربيع فقط إنما بينتشر كمان في الصيف و ممكن في أي وقت في السنة هو عبارة عن نوع من أنواع الحساسية

أعراضه بيتبقي :

  1. إحمرار شديد في العين
  2. دعك العين و الإفرازات المستمرةلازم المريض بالرمد الربيعي يبتعد عن الحرارة الشديدة و أشعة الشمس و الأتربة و العلاج بيبقي عن طريق أدوية الفم و القطرات

ملخص لجميع الأمراض التي قد تؤدي إلى فقدان البصر

  • إنفصال الشبكية (وهي غشاء اسود بيظهر و بيبتدي يكبر براحة)

  • الزرق الحاد في العين (إنخفاض في الرؤية مع صداع جامد)

  • كل الأمراض اللي بتأثر في القرنية و في العصب البصري و امراض وعائية زي تصلب الشرايين او نريف في الدماغ

  • الأمراض الإيضية زي داء السكري تسمم و ممكن يكون بسبب دواء او صدمة.

ودلوقتي لازم نعرف إيه هي طرق الوقاية من أمراض العيون.

  • إحمي عينك من أشعة الشمس اضارة

    الأشعة فوق البنفسجية من المخاطر الكبير اللي بتواجه العين زي إعتام العدسة و سرطان العين. خصوصا إن 60% من التعرض لأشعة فوق البنفسجية بيجي عن طريق الشمس و أفضل حماية لأشعة الفوق البنفسجية هي إستخدام نضارات الشمس.

  • إحمي عينك من ضوء الشاشات

    التحديق في الشاشات و بالذات بليل بيؤدي لتلف العين لإنها بتتعرض لضوء أزرق و لكن ممكن تحمي عينك عن طريق إستخدام النضارات اللي بتعكس الاشعة الزرقاء

  • عدم إجهاد العين

    جهاد العين ممكن يشكل مخاطر كبيرة جدا بالذات جفاف العين و اللي بيبقي ليه مخاطر كبيرة علي العينن و دا بيحصل بسبب عدم الحصول علي وقت نوم كافي. او إجهاد العين عن طريق العمل الكتير أو الإستخدام المفرط للأجهزة الإليكترونية

  • النظام الغذائي المناسب لصحة العين

    دا عن طريق إمداد العين بالفيتامينات الكافية لصحتها زي فيتامين A و B و C و أكل الأغذية الغنية بالدهون زي الأوميجا 3 و الأغذية الغنية بمادة البيتاكاروتين زي الجزر

  • النظام الغذائي المناسب لصحة العين

    دا عن طريق إمداد العين بالفيتامينات الكافية لصحتها زي فيتامين A و B و C و أكل الأغذية الغنية بالدهون زي الأوميجا 3 و الأغذية الغنية بمادة البيتاكاروتين زي الجزر، شرب الماء و السوائل بكميات كافية بيحمي من جفاف العين، ممارسة الرياضة و الزيارة الدورية لدكتور العيون

كدا إحنا قولنالك تقريبا معظم الأعراض اللي ممكن تحس بيها في حالة انك عندك مشكلة في عينك ، حاول متتأخرش في زيارة الطبيب لو بتحس بعرض أو اتنين في عينك بالذات و لو حتى للإطمئنان مش أكتر لو حابب تحجز كشف في مركزنا الطبي تقدر تحجز أونلاين من هنا و هنأكد عليك الحجز خلال 24 ساعة من معاد الحجز

عايز أحجز معاد مع الدكتور