سبب تسمية الفيمتو سمايل بالأسم ده

لما تكون بتدور على عمليات الليزك او تصحيح الإبصار و تلاقي ضمن النتائج الكلمة دي “فيمتو سمايل” هتحس حاجة غريبة صح؟ ايه علاقة العيون بالإبتسامة 😀 !

بس الإسم العلمي الصحيح لعملية تصحيح الإبصار “فيمتو سمايل” هو Small Incision Lenticule Extraction و كلمة سمايل Smile هنا عبارة عن اختصار للمصطلح الكبير دا عشان يكون أسهل في التداول مش اكتر

إحنا هنا هنكلمك عن كل التفاصيل اللي تهمك و المفروض تعرفها قبل ما تعمل العملية دي ..

قبل ما نكمل لازم تكون عارف ان الـ”فيمتو سمايل” يعتبر الجيل الثالث من عمليات تصحيح الإبصار بالليزر او تحديدا الفيمتو سكند ليزر و لو عايز تعرف عن النوعين اللي قبل كده ممكن تقرأ المقالين دول …

  1. الليزك 10 دقائق تفصلك عن حلم التخلص من النظارة
  2. الفيمتوليزك..نقلة نوعية في طب العيون اعتمدت على تطبيق الفيمتوليزكيعني لو لخصنا الموضوع هنقول ان عمليات تصحيح الإبصار  مرت ب 3 مراحل اخرها وأكثرها تطوراً من حيث عوامل الأمان و الدقة هي عملية الفيمتو سمايل

 

دور الفيمتو سمايل في علاج ضعف النظر

زي ما احنا متفقين ان عمليات تصحيح الإبصار بتعتمد بشكل كلي و أساسي على الليزر في علاج تحدب قرنية العين، بس الفرق الجوهري بين التقنيات هو الطريقة اللي بيتم بيها رفع الطبقة الخارجية من القرنية و دا هنتكلم عنه بالتفصيل الفقرة الجاية من المقال و لكن خلينا هنا نوضح دور الفيمتو سمايل لوحده

الفيمتو سمايل او الجيل الثالث من عمليات تصحيح الإبصار نقطة قوته الأساسية و اللي بترفع عوامل الأمان له ان مبيحصلش فيه رفع أو عمل فتحة او شريحة في الجزء الخارجي من القرنية باستخدام مشرط و لكن كل العملية بتتم عن طريق الليزر اللي بدوره بيعمل فتحة بمقدار 2 مم في قرنية العين و بعد كدا بيتم استخراج الجزء الزائد من القرنية عن طريق الفتحة دي من غير اي تدخل جراحي

الفرق بين الفيمتو سمايل و الفيمتو ليزك و الليزك

زي ما وضحنا ان الفرق بين التقنيات الثلاثة لعمليات تصحيح الإبصار  بالليزر هو الطريقة اللي بيتم بيها رفع الجزء الخارجي من القرنية و هنوضح ده في 3 نقط

الليزر التقليديالفيمتوسمايلالفيمتوليزك
بتعتمد هنا العملية دي علي مشرط دقيق يسمى الميكروكيراتوم بيرفع الجزء الخارجي من القرنية و بيعمل شريحة قطرها حوالي 25 مم و بيبقيها متصلة من ناحية معينة لحد ما الاكزيمر ليزر يتم تسليطه علي القرنية لمعالجة التحدب و بعد العلاج بيتم ارجاع الطبقة الخارجية دي لمكانها ، بس النوع دا إحنا مش بنقدمه في مركز الفيمتوليزك الدولي لانه بيتم عن طريق تدخل جراحي ، لو عايز تعرف خطوات العملية بالتفصيل دوس هنافي حالة اجراء عملية فيمتوسمايل مش بيتم اي رفع للجزء الخارجي من القرنية و بتتم العملية بالكامل عن طريق اسقاط اشعة ليزر من نوع معين و دا من اقوى وأهم مميزات الفيمتو سمايلفي الحالة دي بقى مش بيتم رفع الجزء الخارجي من القرنية باستخدام مشرط لإن العملية كله بتتم بإستخدام الليزر فقط فبيتم استخدام فيمتو سكند ليزر

ليه الفيمتو سمايل بيتفوق على الليزك التقليدى؟

عملية الفيمتو سمايل بتم في في خطوة واحدة بنستخدم فيها الليزر عشان نفصل طبقة رقيقة جداً من نسيج القرنية وبعدها بنسلط شعاع الفيمتو ليزر لإحداث ثقب في القرنية طوله أقل من 4 ملم وبنستخرج الطبقة الدقيقة التي تم فصلها من خلال الثقب ده. العملية بتتم في حوالي 15 دقيقة وبتكون تحت تأثير المخدر، طيب عملية بالدقة المتناهية دي إيه المميز فيها عن باقي التقنيات ؟!

الأبحاث أظهرت إن تقنية الفيمتو سمايل بتوفر نفس الكفاءة والنجاح وقوة الإبصار اللي ممكن يوفره الليزك التقليدي وفي نفس الوقت من غير ما يتم استخدام الميكروكيراتوم لإزالة الطبقة الخارجية من القرنية زي ما قلنا ودي نقدر نعتبرها ميزة لعدم استخدام اداة حادة مجهرية.

الأبحاث أظهرت إن تقنية الفيمتو سمايل بتوفر نفس الكفاءة والنجاح وقوة الإبصار اللي ممكن يوفره الليزك التقليدي وفي نفس الوقت من غير ما يتم استخدام الميكروكيراتوم لإزالة الطبقة الخارجية من القرنية زي ما قلنا ودي نقدر نعتبرها ميزة لعدم استخدام اداة حادة مجهرية.

مختلف لأنك بعد العملية هتكون قادر إنك في ساعات معدودة تمارس حياتك الطبيعية بشكل عادي جداً …

ومن ضمن مميزات الفيمتو سمايل إنه بيقلل احتمالية حدوث اي عدوي بكتيرية ممكن تحصل او اي مشاكل ممكن تصيب العين في اثناء التئام نسيج القرنية….
ولو كنت من الأشخاص اللي عندهم فوبيا وخوف كبير جداً من العمليات أو من الأشخاص اللي بيعانوا من انخفاض أو ارتفاع ضغط الدم, فالأفضل في الحالة دي إنك تقوم بإجراء عملية فيمتو سمايل وده لأن تقنية العملية أكثر بساطة واقل في التوتر والتعقيد من عملية الليزك.

 

هل للفيمتو سمايل افضلية على الفيمتو ليزك؟

تقريباً مفيش اي اختلاف في النتائج، لأن جميع عمليات تصحيح النظر بما فيهم الليزك التقليدي بتوفر للمريض الدرجة المُناسبة من الإبصار وإعادة تشكيل تحدب القرنية، لكن في شوية اختلافات بسيطة قادرة تساعدك تختار الفيمتوسمايل عن الفيمتوليزك حسب حالتك …

الفيمتوسمايلالفيمتوليزك
تقنية الفيمتو سمايل بتتفوق في إن الطبيب مش بيحتاج إنه يعمل قطع في الطبقة العلوية من القرنية وبيلجأ إلى إنه يستخدم ومضات ضوئية ليها سرعة فائقة عشان تعمل فقاعات غاز متناهية الصِغر علي مسافات متقاربة جداً…
والمجموعة الهائلة من الفقاعات دي بتمثل مقطع في القرنية وبكده يقدر الطبيب يشكل تحدب القرنية مرة تانية وبسهولة وبنسبة مشاكل بعد العملية اقل بكتير جداً من أي تقنية تانية…
لكن في حالة الفيمتو ليزك بيتم عمل شريحه من القرنيه باستخدام الفيمتو ليزر …
بعدها بيستخدم الطبيب جهاز ليزر دوره إنه يحرق النسيج القرني بحسابات دقيقة جداً ويرجع يعيد تشكيله مرة تانية بحيث يتم تشكيله بطريقة تظبط مشكلة تحدب القرنية…
وبعد كده يتم إرجاع طبقة القرنية دي تاني لمكانها عشان تلتحم لوحدها من غير اي غرز طبية.

لكن تقنية الفيمتو سمايل بتتفوق في إنها مش بتحتاج عمل اي شق جراحي في العين خالص وده بيخليها اسرع واكثر اكثر امان.

امتي اقدر استخدم الفيمتو سمايل؟

تحديد نوع العملية المناسبة ليك بيكون صعب إنك تحدده لوحدك من غير تشخيص طبيب مُختص لكن ممكن نساعدك ونقولك علي الحاجات اللي بياخدها الأطباء في الاعتبار عشان يحددوا الإجراء المناسب للحالة.

  • في حالة جفاف العين بنسبه معينه

    في حالة إنك كنت بتعاني من جفاف العين فبالتالي اقتراح تصحيح النظر عن طريق تقنية الليزك ممكن يكون مش مناسب ليك لكن تقدر تعتمد علي الفيمتو سمايل في الحالة دي حتي لو كانت نسبة الجفاف بالنسبالك متوسطة.

  • وجود ضعف في القرنية

    عملية الفيمتو سمايل بتكون اختيار مناسب ليك كمان لو الطبيب المختص قالك علي وجود ضعف في القرنية أو وجود احتمال ظهور مرض القرنية المخروطية أو أن سمك القرنية عندك أقل من الطبيعي (أقل من 500 مايكرون), فبالتأكيد في الحالة دي بننصحك إنك تقوم بإجراء عملية الفيمتو سمايل فقط لأن الليزك مش هتكون مناسبة في الحالة دي إطلاقاً.

  • في حالة ضعف النظر بدرجة مش كبيرة

    لو كان عندك ضعف نظر عادي أو متوسط في الضعف (لحد -5 درجات), فتقدر تعمل عملية الليزك بدون أي مشكلة، لكن في حالة إذا كان مقدار الضعف عندك كبير جداً ووصل إلى (-10 درجات مثلاً) ففي الحالة دي هيكون اقتراح الفيمتو سمايل هو الأنسب.

  • درجة تحدب القرنية عالية جدا

    ومن ضمن الحاجات المهمة جداً في تحديد الاجراء المناسب هي تحديد معدل تحدب القرنية فلو كانت قراءة تحدب القرنية (Keratometry) الخاصة بيك مرتفعة جداً لدرجة 48D، فالأفضل ليك إنك تعمل عملية الفيمتو سمايل أو الفيمتو ليزك، وده لأن ارتفاع قراءة تحدب القرنية بيسبب مشاكل كتير في أثناء عملية فصل أول طبقة من القرنية خلال عملية الليزك وفي حالة إن كان عندك تحدب بنسبة كبيرة فالأفضل إنك تستغني عن الخطوة دي عشان تبقي في امان اكتر.

لو لعبت اللعبة دي هتعرف انت من الناس اللي ينفع تعمل عملية الفيمتو ليزك أو الفيمتوسمايل ولا لأ بصورة مبدأية

خد بالك النتيجة اللي هتطلع بصورة مبدأية لكن الدكتور لازم يعمل فحص طبي كامل للحالة قبل العملية

ليه مش كل الحالات مناسب ليها إجراءات الليزك المُختلفة لتصحيح مشاكل الإبصار ؟

لاختلاف حالات المرضي مش كل الناس بيكون مناسب ليها نفس طريقة العلاج فمثلاً بعض الأمراض بتزيد من احتمالية وجود مضاعفات وده في حالة عملية الليزك… وفي حالة كمان تواجد الامراض دي قبل إجراء العملية والامراض او الحالات اللي زي

  • أمراض المناعة الذاتية: زي الروماتويد.
  • أمراض نقص المناعة: زي الإيدز واستخدام الأدوية المثبطه للمناعة زي الكورتيزون.
  • جفاف العين المزمن وده بيسبب مضاعفات بتتمثل في التهاب وازدياد جفاف العين ما بعد العملية ولكن الفيمتو سمايل حل المشكلة دي..
  • او حالات القرنية المخروطية

    وكذلك نفس الفكرة في حالة انك حابب تعمل اجراء الفيمتو ليزك فهو بيكون انسب بكتير عن الليزك لو عندك اي مشاكل صحية وبيوفرلك دقة أكبر مقارنة بالليزكلكن لو كنت مريض  بالمياه الزرقاء ( الجلوكوما ) او احد المرضى المصابين بفيروس الهربس البسيط او بتمري بحمل فهيكون اجراء الفيمتو ليزك مش مناسب ليك/ـي بسبب إنه بيحصل تغيرات هرمونية عند الستات في الفترة دي قادرة تأثر علي درجة الإبصار بعد العملية.

    وعلشان تقدر تكون مؤهل لاجراء الفيمتو ليزك لازم يكون معدل الاخطاء الانكسارية في العين عندك ما بين -12 و +6  ولازم تكون الاخطاء دي ثابتة ومتغيرتش علي مدار السنين اللي فاتت وعلي عكس تقنية الليزك لو عندك جفاف في العين او رُفع في سمك القرنية عن المعدل الطبيعي مش هيكون في اي مشكلة في اجراء الفيمتوليزك.

    الفيمتو سمايل بيتفوق علي الاتنين في إنه مش بيعتمد علي معظم المشاكل دي ولا بيكون سبب في منع استخدام الاجراء ده للمريض لكن في كل الحالات لازم تفحص عينك بشكل كويس وبمساعدة الطبيب المتخصص هيقدر يحددلك الانسب ليك …

 

تأثير عملية الفيمتو سمايل الإيجابي على أصحاب المهن الشاقة و الرياضات العنيفة

ممارسة الرياضات العنيفة والقتالية اللي بتشمل التعرض لإصابات مختلفة في الوجه او العين زي الملاكمة وغيرهم من اللي ممكن نقول عليهم من اصحاب المهن الشاقة بتكون احسن تقنيه ليهم هي تقنية الفيمتوسمايل لأن حساسية العين في باقي العمليات بتكون عالية جداً بعد العملية …
لكن بالنسبة للفيمتو سمايل بتكون آمنه ليهم جداً لقلة احتمالية حدوث مشاكل في العين في حالة التعرض لاصابة في العين ما بعد العملية …والطبيعي ان بعدها بتقدر تمارس حياتك بشكل طبيعي وبتقدر تخرج وتتعرض للهواء والشمس والمياه بدون اي مخاوف من وجود مضاعفات او أعراض جانبية.

وبكده نكون اتكلمنا عن تقنية من أفضل واحدث تقنيات مُعالجة مشاكل الابصار في طب العيون …ولو عملت إجراء ليزر قبل كده قولنا كانت إيه النتيجة بعد العملية ولو جربت الفيمتو سمايل قولنا هل واجهتك اي مشاكل ولا لا بعد العملية…

أعرف أكتر عن عملية الفبمتوسمايل في مركز IFLC